Э.Сумъяагийн олимпийн эрхийг сэргээнэ
Чөлөөт бөхийн эмэгтэйчүүдийн шигшээ багийн тамирчин, ДАШТ-ий мөнгөн медальт, ОУХМ Э.Сумъяа сэргээш хэрэглэсэн шалтгаанаар "Рио 2016"-д оролцох эрхээ хураалгаад байсан. Гэвч Дэлхийн нэгдсэн бөхийн холбоо /UWW/, Дэлхийн допингийн эсрэг агентлаг /WADA/ түүний олимпийн эрхийг сэргээхээр болжээ.
WADA-гаас энэ оны аравдугаар сарын 1-ний өдөр хүртэл тамирчдын допингийн шинжилгээгээр мельдоны бага хэмжээгээр илэрсэн бол хэвийн гэж зөвшөөрсөн аж. Тэр хугацаанаас хойш допингийн шинжилгээгээр мельдоны илэрвэл тухайн тамирчны тэмцээнд оролцох эрхийг хасах тухай мэдээлжээ.
Улмаар Э.Сумъяагийн олимпийн эрхийг сэргээх тухай албан ёсны хариу хараахан гараагүй байгаа ч тун удахгүй ДНБХ, WADA-гаас Монголын чөлөөт бөхийн холбоонд албан ёсны хариу өгөх аж.
Сэтгэгдэл байхгүй байна.