Хэдхэн цагийн өмнө монголчуудыг гонсойлгосон Бразил эмэгтэй Rafaela Lopes Silva 2012 оны Лондонгийн Олимпт хөлөнд хүрч, дүрмийн бус барилдаан хийсэн тул тэмцээнээс хасагдаж байжээ. Түүнийг Бразилд очиход олон мянган хүмүүс үзэн ядаж, арьс өнгөөр нь гадуурхан, заналхийлэх болсон байна. Тэр Риогийн ядуусын хороололд байх жүдогийн секцнээс төрөн гарсан баатар юм байна.

Түүний энэ алтыг зөвхөн нэг медаль биш Бразилийн ядуусын төлөөх том ялалт хэмээн онцолж байна. Түүний баруун гаранд "Би ямар их зовлон амсаж, энд хүрэхийн тулд юу хийснийг зөвхөн Бурхан л мэднэ" гэсэн шивээс бий гэнэ. Магадгүй тэр Сумъяагаас илүү алт авах "шуналтай" бас шалтгаантай байсан байх. Олимпийн жүдог бөхийн барилдаануудыг дэнсэлж байгаа олон улсын шүүгч Машбатын Бөхбат Твиттерт "дүрмийн дагуу ханцуй атгасан бол гараар хөлөнд хүрч болно" гэсэн тайлбар өгчээ.