Ардчилсан намаас өнөөдөр 11.00 цагт сэтгүүлчдэд мэдээлэл хийхээр болжээ. Засгийн газрын хуралдаанаар өчигдөр "Сайн малчин”, "Сайн оюутан”, "Сайн хувьцаа” хөтөлбөрүүдийг зогсоох шийдвэрийг гаргасан юм. Үүнтэй холбогдуулж, УИХ-ын гишүүн, Ардчилсан намын даргын үүргийг түр орлон гүйцэтгэгч Д.Эрдэнэбат, Сангийн сайд асан Б.Болор нар мэдээлэл хийхээр болжээ.

Өмнөх Засгийн газрын үед "Сайн малчин” хөтөлбөрийг хэрэгжүүлснээр жилийн 30 хувьтай байсан малчны зээлийг 18-10 хувь болгон бууруулсан юм. Харин Сангийн сайд Б.Чойжилсүрэн өнгөрсөн даваа гаригт эдийн засгийн нөхцөл байдлын талаар мэдээлэл хийх үеэрээ "Сайн малчин”, Сайн оюутан” зэрэг хөтөлбөрийг Засгийн газар хэрэгжүүлэхдээ УИХ-аар хэлэлцүүлээгүй гэдгийг онцолсон. Учир нь санхүүжилт байхгүй гэсэн шалтгаанаар дээрх хөтөлбөрүүдийг зогсоосон байгаа юм. Тэгвэл үүнийг эсэргүүцэж АН-ынхан мэдээлэл хийхээр болсон ажээ.

О.Сайхан