Усанд сэлэлтийн 10 км-ын марафон төрөл өчигдөр явагдаж өндөрлөлөө. Задгай далайд сэлдэгээрээ онцлогтой энэ төрөлд Нидерландын Ферри Вертман 1:52:59,8 секундээр тэргүүн байранд орж Алтан медалийн эзэн болов. Гэхдээ тэрээр азаар аварга болсон юм. Австралийн усанд сэлэгч Жаррод Поорт 39 минутын хугацаанд бусдаасаа хол тасархай тэргүүлж явсан боловч 2,5 км-т тойрох бөмбөлөгөө андуурч баруун тийшээ сэлэн өөрийгөө хорлов. Буруу тийшээгээ сэлсэнээ мэдсэн Жаррод эргэн бусад тамирчид руугаа нэгдэхээр сэлж бүгдийнх нь өмнө нь орж чадсан ч түрүүлж чадсангүй. Гар нь маш их цуцсан учраас тэрбээр арынхаа тамирчдад гүйцэгдэн 21 байрт орсон байна.