АНУ-ын Нью-Йорк хотноо үргэлжилж буй US Open тэмцээний 1-р тойрог өндөрлөж байна. Дэлхийн шилдэг теннисчид өрсөлдөгч нараа ээлж дарааллан буулган авсаар байна. Харин Сербийн шилдэг теннисчин, 2008 оны Францын Их Дуулга тэмцээний цомыг хүртэж, мөн ондоо Австралийн Их Дуулга тэмцээний шигшээд шалгарч байсан А.Иванович тэмцээний 1-р шатанд бүдэрлээ. Тэрбээр тэмцээний эхний өрсөлдөгч Чехийн Д.Аллертоватай тоглож 6-7, 1-6 харьцаатай хожигджээ. Эхний сетэд хоёр теннисчин ширүүн өрсөлдөөн үзүүлж тайбрейкээр Чех бүсгүй ялалт байгуулсан. Ингээд 2 дахь сетэд Чех бүсгүй А.Ивановичид дөнгөж 1 гэйм өгч 6-1 харьцаатай хожил байгуулж дараагийн шатанд шалгарсан байна. Тоглолт 79 минут үргэлжилсэн.

 

Ийнхүү А.Ивановичийн сайнгүй тоглолт дахин үргэлжиллээ. А.Иванович 2007, 2008 оны үед тун хүчтэй өрсөлдөөнийг үзүүлж байсан. 2007-2008 оны хугацаанд 1 удаа Их Дуулга тэмцээний цомыг хүртэж, 2 удаа финалд шалгарч, 1 удаа хагас шигшээд шалгарч, мөн 2008 оны 6 сард эмэгтэй теннисчдийн чансааг тэргүүлж байсан. Гэвч тэр цагаас хойш төдийлөн тогтвортой, сайн тоглолтыг үзүүлж чадахгүй байна. Хамгийн сүүлд өнгөрсөн оны Францын Их Дуулга тэмцээний хагас шигшээд шалгарсан. Харин энэ жил гарсаар 4 Их Дуулга тэмцээний 3-р шатыг давж чадсангүй.

Ssport.mn