Авилгатай тэмцэх газрын Мөрдөн шалгах хэлтсээс эрүүгийн хэрэг үүсгэн, мөрдөн байцаалтын ажиллагаа явуулсан Г.Дэнзэн, Я.Батсуурь нарын таван хүнд холбогдох эрүүгийн хэргийг Нийслэлийн прокурорын газраас яллах дүгнэлт үйлдэж, харьяаллын дагуу Чингэлтэй дүүргийн Эрүүгийн хэргийн анхан шатны шүүхэд шилжүүлжээ. 

Эдгээр таван иргэнийг төрийн албан тушаалтан албан тушаалаа урвуулсан, хэтрүүлэн ашиглаж, эд хөрөнгө завшсан зэрэг үндэслэлээр шалгасан бөгөөд Эрүүгийн хуулийн 150.3, 263.2, 264.2, 266.2 зүйл ангиар эрүү үүсгээд байсан юм. Г.Дэнзэн нь Ерөнхий сайд асан Н.Алтанхуягийн хүргэн дүү бөгөөд Засгийн газрын хэрэг эрхлэх газрын дэд дарга, "Эрдэнэс-Тавантолгой” компанийн ТУЗ-ийн даргаар ажиллаж байсан бол Я.Батсуурь нь "Эрдэнэс-Тавантолгой” гүйцэтгэх захирлаар ажиллаж байв.