Эрхий мэргэнээ шалгаруулахаар алсын аянд мордсон АН-ынхан өчигдөр Завхан аймагт иргэдтэй уулзалт хийсэн. Эв нэгдлээ эрхэмлэхийг намын нөхөддөө уриалж, Алунгоо эхийн сургаалийг дагаж, атгасан сум шиг явахаа илэрхийлээд сурталчилгааны ажилдаа гарсан ч зам зуураа муудалцаж яваа сурагтай.

Завхан аймагт ажиллаж байхдаа УИХ дахь Ардчилсан намын бүлгийн дарга С.Эрдэнэ УИХ-ын дэд дарга Я.Санжмятав руугаа хуц! гэж хашгирчээ. Завхан аймаг уг нь Я.Санжмятавын төрсөн нутаг. Нутаг усанд нь ирээд Отгонтэнгэр хайрханд мөргөж, хийморь сүлдээ даатгаад хачин эв найрамдалтай яваа харагдсан үнэн хэрэгтээ нийтийн нүднээс далдуур, цахим ертөнцөөс цаагуур хэрэлдсээр л яваа байх нь.

 Н.Мөрөн 

Tonshuul.mn