Ш.Солонгыг орлох хүслээ хэд хэдэн хүн ЗГХЭГ-ын дарга Г.Занданшатарт дуулгажээ.  

Тухайлбал, Засгийн газрын Хэрэх эрхлэх газрын дэд даргаар саяхан томилогдсон Б.Бат-Эрдэнэ, МАН-ын нарийн бичгийн даргаар ажиллаж буй Ц.Бат-Энх нарын нэрс дуулдаж, улс төрийн хүрээнд яригдаж эхэлжээ. Б.Бат-Эрдэнийн хувьд саяхан дэд даргын албан тушаалд томилогдсон ч тэргүүн дэд дарга болох сонирхол ихтэй яваа бололтой. Харин Ц.Бат-Энхийн хувьд МАН-ын нарийн бичгийн даргаар ажиллаж буй. Дээрх хоёр хүнээс илүү Хууль зүй, дотоод хэргийн яамны төрийн нарийн бичгийн дарга Г.Баясгалан хамгийн боломжтой хувилбар гэж ЗГХЭГ-ын дарга үзэж байгаа юм байна.

Г.Баясгалангийн хувьд хамгийн боломжит бөгөөд зөв хувилбар байж болох юм гэсэн яриа ч гарчээ. ЗГХЭГ-ын дарга Г.Занданшатартай нэг нутаг гэгддэг Г.Баясгалангийн хувьд прокурор, Монгол Улсын хоёр дахь ерөнхийлөгч Багабандийн хуулийн зөвлөхөөр ажиллаж байсан, гурван удаа Хууль зүй, дотоод хэргийн яамны Төрийн нарийн бичгийн даргаар ажиллаж буй зэрэг туршлагыг нь харсан ч ЗГХЭГ-ын тэргүүн дэд даргад тохирох хүн гэнэ. Г.Баясгалан нь Хууль зүй, Дотоод хэргийн яамны Төрийн нарийн бичгийн даргын албан тушаалд гурав дахь удаагаа томилогдож байгаа төрийн мэргэшсэн албан хаагч бөгөөд хуульч мэргэжилтэй, хууль зүйн ухааны доктор, төрийн захиргааны тэргүүн түшмэл, хууль цаазын итгэмжит төлөөлөгч юм. Тэрбээр урьд нь Улсын Ерөнхий прокурорын газарт хяналтын прокурор, зөвлөх, Хууль зүйн яамны газрын дарга, Хууль зүй Дотоод хэргийн яамны Төрийн нарийн бичгийн дарга, Монгол Улсын Ерөнхийлөгчийн Тамгын газарт Ерөнхийлөгчийн хуулийн бодлогын зөвлөх зэрэг олон хариуцлагатай албыг хашиж байсан юм.

ЗГХЭГ-ын дарга Г.Занданшатарын хувьд ч Ш.Солонгын оронд гарын хүнээ тавих сонирхол маш өндөр байгаа ч Ерөнхий сайд У.Хүрэлсүхэд ч гэсэн өөрийн хүнээ тавих сонирхол байгаа бөгөөд энэ албанд Ш.Солонго даргатай эн дүйцэхүйц хүн тавих бодолтой байгаа гэсэн бор шувуу Төрийн ордноор нисч байна лээ. Ямартай ч Ш.Солонго Үндсэн хуулийн цэцийн гишүүний албандаа томилогдож, ажлаа албан ёсоор хүлээлгэж өгнө. Харин Засгийн газрын Хэрэг эрхлэх газрын Тэргүүн дэд даргын албаны томилгоог Ерөнхий сайд, ЗГХЭГ-ын дарга нарын тохироо хэрхэн хийгдэхээс шийдэгдэх бололтой