Сульшерийн удирдсан “МЮ” анхны ялагдлаа хүлээв
Аваргуудын лигийн шөвгийн найман багийн тоглолтууд явагдаж эхлэв. Английн "Манчестер Юнайтэд” баг эхний тоглолтдоо Францын "ПСЖ” багт хожигдсон байна. Манчестер хотод болсон тоглолтод зочид 2:0-ээр илүүрхсэн аж. Тоглолтын сүүлийн минутад эзэн багийн франц хагас хамгаалагч Поль Погба хоёр дахь шар хуудсаа авч, талбайгаас хөөгджээ.
Үүнээс болж тэрбээр ирэх сарын 06-нд Парис хотноо болох хариу тоглолтод оролцох эрхгүй болж байгаа юм. Сонирхуулахад, "ПСЖ” багийн бүрэлдэхүүнд бэртэлтэй байгаа довтлогчид болох Эдинсон Кавани, Нэймар нар байгаагүй билээ.
Ийнхүү "МЮ” шинэ дасгалжуулагч Уле Гуннар Сульшерийн удирдлага дор анхны ялагдлаа хүлээжээ. Өмнө нь тэд 10 тоглолтод дараалан ялалт байгуулаад байсан юм.
Эх сурвалж www.wikimon.mn
Сэтгэгдэл байхгүй байна.