Аваргуудын лиг: ПСЖ Манчестер Юнайтедыг талбай дээр нь буулгаж авав
Европын хөлбөмбөгийн хамгийн том тэмцээн Аваргуудын лигийн хасагдах шатны тоглолтууд эхэллээ. Өчигдөр Английн "Манчестер Юнайтед" Францын "ПСЖ" багуудын тоглолт явагдаж зочин баг ПСЖ «Олд Траффорд» цэнгэлдэх хүрээлэнд нь Улаан чөтгөрүүдийг 2:0 харьцаагаар буулган авав.
"ПСЖ" хэдийгээр гол довтлогчид болох Нэймар, Кавани нараа гэмтэлд алдаад байсан ч бүх талаараа Юнайтед багийг илүүрхэж чадав. Тоглолтын хувь заяаг шийдсэн гоолууд 7 минутын зайтай орсон бөгөөд Кимпембе /53/, Мбаппе /60/ нар Анхель ди Мариягийн дамжуулалтаар гоол оруулж чадлаа.
Оле Гуннар Сульшерийн удирдлага дор 10 тоглолт дараалан ялалт байгуулсан Юнайтед багийн тоглогчид сэр Алекс Фюргенсоныхоо өмнө хичээж тоглосон боловч Буффоны хаалганы торыг хөдөлгөж чадсангүй.
Сэтгэгдэл байхгүй байна.