“Хулхи Академич С.Чулууны ээлжит ХУЛГАЙ”

0

“Хулхи Академич С.Чулууны ээлжит ХУЛГАЙ”

 

Уншигч та бүхэнд Монголын үндэсний номын сангийн сэргээн засварлагч Г.Ням-Очирын нийтлэлийг бүрэн эхээр нь хүргэж байна.

Зургийн тайлбар: Г.Ням-Очир

Өнгөрсөн баасан гаригт 2029.01.24-ий өдөр Монголын Үндэсний Номын Сан-д бас нэг даруухаан номын нээлт болсон байв. Өрөөндөө сууж байгаад хоцорчихжээ. ”Хаадын зарлиг, өргөмжлөл,жуух бичиг”. Овоо доо. Нэг ийм ном гарчихдаг гээд унших гэтэл… Монгол улсад ШҮҮМЖ гэдэг зүйл мэрэгжлийн сэтгүүлд нь ч байхгүй. Бид оршуулчихсан шүү дээ. Тэгэхээр талийгчийн дурсгалд зориулаад сошиал найруулгаар биччихье.

НЭГЭН ЗҮЙЛ

БСШУЯ, МҮНС, ШУА-ийн Түүхийн хүрээлэн, Архивийн Ерөнхий Газар, Олон улсын Монгол судлалын холбоо гээд 5 байгууллага дамжилж, дамнуулж хийжээ. Шинэ цуврал юм байна. ”Монгол судлалын сонгодог бүтээл” гэдэг цуврал юм байна. Одоо л жинхэнэ гайхамшиг эхэлнэ шүү дээ.

Зөвлөлийн бүрэлдхүүн:

– Б.Ичинхорлоо

– С.Чулуун

– С.Энхбаатар

Манай эрхэм хүндэт ШУ-ы доктор болоод ШУ-ы хуурамч ч гэсэн АКАДЕМИЧ

цолоо хэрэглэхээ больсон сайн дураараа хэрэглэхээ больж байгаа гэж ойлгож болох уу? Энэ номын зохиогчийн эрх юм уу? Ер нь Монгол судлалын сонгодог болоод сонгодог бус гэдгийг хэзээ байтлаа албан газрын эрдмийн ажлын туршлага зэрэг цолгүй хүмүүс зөвлөөд шийдчихдэг болоо вэ? Дугаар хорооны иргэн дурын С.Чулуун гуай хийгээгүй нь л лав.

НЭГЭН ЗҮЙЛ

Эмхэтгэж, тодорхойлолт бичиж, хөрвүүлсэн:

– Н.Хатанбаатар

– Ч.Гансүх

– Б.Тунгалаг

– Х.Гэрэлмаа

За энэ бол мөн л эрдэм шинжилгээний хулгайн том жишээ.

Яг хэн нь удиртгал бичсэн бэ? Хэн нь тодорхойлолт бичсэн бэ? Хэн нь хөрвүүлсэн бэ? Номын төгсгөлд байгаа худлаа үнэн доголон сохор галигийг хэн нь хийсэн бэ? Яг хэн нь юуг нь хийсэн бэ? Гөлөг төөрүүлж байгаа юм шиг ийм нэр тавихгүй. Болохгүй. Энэ нь эзэнгүйдүүлж хулгайлахын санаа сэдэл болно.

НЭГЭН ЗҮЙЛ

Хятад, манж, төвд, монгол дөрвөн хэлээр бичигдсэн зарлиг, жуух, өргөмжлөл дээр

нэг ч хятадсудлаач, манжсудлаач, төвдсудлаач энэ СОНГОДОГ бүтээл дээр ажиллаагүй байна. 114 зарлиг зарлиг жуухын тайлбар бол ердөө номын сангийн бүртгэлийн мэдээлэл бөгөөд МҮНС-ийн Модон бар, гар бичмэл номын фондын сан хөмрөгчийн мэдээллээр л бүхэлд нь бичжээ. Мөн хаана хадгалагдаж байгаа тухай ямар ч мэдээлэл алга. Энэхүү зарлиг жуух нь МҮНС-д, Архивт байгаа гэдгийг бичихэд цутгах тугалган үсэг дутаад байсан хэрэг үү? Энэ бол мөн л хулгайн сэдэл.

НЭГЭН ЗҮЙЛ

Энд орсон 114 зарлиг, жуухын дийлэнх нь буюу 93% нь болох 109 зарлиг захиа нь

Монголын Үндэсний Номын Сангийнх, 5 жуух нь Архивийнх юм. Уг нь архивт ч бас 100 гаруй бий. Ер нь Монголын Түүхийн архивийн Хүрээний Манж Амбаны Архивийг Д.Өлзийбаатар, С.Чулуун, А.Очир нарын зэрэг УРВАГЧИД-ийн буянаар дижиталаар Хятдын Хилийн түүхийн хүрээлэнд хүргэгдэж, Гуанси-ийн багшийн их сургуульд хэвлэгдсэн 20 боть монголын архивийн ховор материалууд ч арай ч ийм тайлбартай хэвлэгдээгүй. Эх бичиг сурвалж судлалын ажил болгож хийсэн байж билээ. Манай хуурамч академич хүний нутагт барьж гүйж очоод хэвлэдгээ бодвол өөрийн үндэсний Адмон ХХК-оор хэвлүүлдэг болжээ. Гэхдээ Хятдын Хилийн судалгааны хүрээлэн гаргасан Монголын архивийн 20 боть-ийг 3000$-оор Amazon.com –оор зарж, ашиг олж, дэлхийд гаргаж чадсан бол манай хуурамч академич С.Чулуун 200 ш хэвлэж дарга нарт л тарааж өгнө. Гайхамшиг. Үүнээс илүү гайхамшиг үгүй.

НЭГЭН ЗҮЙЛ

Номын төгсгөлийн 205-232 хуудсанд хорхой шиг жижигхэн бичсэн латин галиг болоод крилл сийрүүлэг хоёр байна. Ёстой дураараа дургина гэж энийг хэлдэг байх. Зөв хийхгүй. 1911 оны 12-р сарын 29-нд Монголын ард түмнээс Богд хаан, Эх дагина Дондүвлхам 2-т өргөсөн АЛТАН НАВЧИТ өргөмжлөлийг 2 хуудсанд багтаан хорхой шиг жижигхэн хэвлэжээ. 162-165 хуудсанд 37 нүүр судрыг багтаажээ. Супер. Хамгийн уярууштай нь энэхүү маш чухал баримт бичгийн галигийг 228-р хуудсанд ердөө ганц нүүрийг нь галиглаж сэглэсэн байх жишээтэй. Монголын төрт ёсны уламжлал бол хуурамч академич ноён С.Чулуунд бол түй ч хамаагүй. Тэртэй тэргүй АРХИВ хулгайлж чадсан хүнд бол энэ юу ч биш. Энэхүү өргөмжлөлийн тухай 2011 онд Богд хаант улсын 100 жилийн ойд зориулсан хуралд илтгэл тавьж, 2012 онд Монгол улсын хосгүй үнэт ӨВ-ийн жагсаалтанд миний бие бүртгүүлж байсан учир маш их харамсаж байна.

НЭГЭН ЗҮЙЛ

Энэ номыг хэрхэн хийх байсан бэ? Энэ бол Монгол улсын Төрт ёсны түүхтэй холбоотой маш чухал баримт бичгийг дэлхийд гарах томоохон хэмжээний ном каталоги болгож хэвлэхэд англи, хятад тайлбар хийх хэрэгтэй байлаа. Хаана хэн хадгалж байгааг тодорхой бичих байлаа. Үзэх судлахад дөхөм том гаргацтай хэвлэж болох байлаа. Хэн нь яг юуг нь хийснийг тодорхой бичиж, стандарт бичилт хийх ёстой байлаа. Яагаад цөөхөн хэвлэв. Энд ажилласан хүмүүсийн зэрэг цол албан тушаалыг яагаад бичсэнгүй вэ? Ер нь энэ хүмүүст ажлын хөлс өгсөн үү? Ямар гэрээ контрактаар хийв. Хуурамч академич С.Чулуун гуай бол хөлс мөнгөгүй бол юу ч хийхгүй, хуруугаа ч хөдөлгөхгүй хүн. Сонин болгож, яам тамгынхантай ном сэтгүүл хийдэг гэрээнээс ганц нэгийг энд нийтлэе. Тэр ажилласан номын санч буюу бүх тайлбарыг нь бичсэн Ч.Гансүхэд ажлын хөлсийг нь олгоно уу?

НЭГЭН ЗҮЙЛ

1994 онд Хятдын ерөнхийлөгч Зян Зен Мин ”Төвдийн түүхийн архив” хэмээх номыг гарын үсгээ зураад хэвлүүлж орхисон юм. Энэ ном л доо. Гарсан даруйдаа хятдын түүхчдийн ширүүн эсэргүүцэлтэй тулжээ. ”Төвдийн түүх бол ерөөсөө Монголын түүх болчихлоо” гэж үзсэн учраас, даруй худалдаанаас татаж, Манжийн 1-р архивт хадгалж орхисон билээ. Ингээд цоо шинээр 1999 онд ”Тан улсын Венчүн гүнжийг авсан Соронзонгомбо хаантай хийсэн гэрээ бичгийн чулуун хөшөө” гэх нэгэн шинэ зүйл бүтээж, тэндээс эхлэн Хятад-Төвдийн харьцааны түм буман баримт гаргаж түүхийг шинээр бичих болсон юм. С.Чулуун ямар санаатай Манжийн хаанаас монголын ноёд язгууртнуудад өгсөн зарлиг, жуух, өргөмжлөлүүдийг хэвлэх болов. Үе үеийн богдууд хамгийн үнэт Алтан навчит өргөмжлөлийг Манжийн хаанаас авахдаа Бээжингийн зүг хандан сөгдөн сууж, 3 сөгдөж, 9 мөргөж авдаг байлаа. Энэхүү шагнал өргөмжлөлд дуртай үзэгдэл 1940-өөд онд фронтод морь бэлэглэсэн хүнд ”Алтан үсгийн үнэмлэх” өгч байснаар үргэлжилж, өнөө ямар байгааг бид мэднэ. Түүхийн хувьд Ноёдын хөрөнгийг хураах үед Судар бичгийн хүрээлэнгээс ”Түүхийн хосгүй үнэт өв учир шилжүүлнэ үү” гэсэн хүсэлт гаргаж, зарим нь Богд хааны номын сантай хамт ирсэн дэлхийд өөр хаана ч байхгүй ийм нандин өвийг ийм хариуцлагагүй хийх ямар санаархал эрх ашиг байсан бэ? Ийм луйврын хулгайн шинжтэй. Зөвхөн дарга нарт тайлагнаад дуусдаг, ард түмэн, цаашлаад соёлт хүн төрөлхтөн үзүүлж таниулах чиг зорилгогүй ийм аргацаасан ШУ-ыг байна шүү ХУУРАМЧ академич нь зохион байгуулсаар байх уу? Яах вэ?

Эсвэл үүдэндээ ”Чулуун, Нохой, Хуурамч АКАДЕМИЧ 3-т үйлчлэхгүй” гэдэг сануулга өлгөх үү?

Хэрвээ энэ С.Чулуунд нэр нүүр гэж байдаг бол Хүрээний манж архив, Хаадын зарлиг жуухын ном энэ тэрээ нийлүүлээд НЭГ ГОЁ ХАЛААЧ ХАМ АА.

МОНГОЛЫН ҮНДЭСНИЙ НОМЫН САНГИЙН СЭРГЭЭН ЗАСВАРЛАГЧ Г.НЯМОЧИР

Эх сурвалж: Eguur.mn

 


Шинэ мэдээ

Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл байхгүй байна.