Испанийн цомын тэмцээний 1/8 шигшээн тоглолтууд болж өндөрлөлөө.  Өнгөрсөн шөнө "Барселона" клуб энэ шатанд учраа таарсан "Леганес"-ыг талбайдаа хүлээж авч, 5:0-ээр буулгаж авав. Ингэснээр шөвгийн наймд шалгарч үлдлээ.

Тоглолтын 4 дэх минутад Гризманн тооны харьцааг нээсэн. Араас нь Лангле 27 дахь минутад нэгийг нэмсэн бол Месси 59, 89 дэх минутад дубль хийжээ. Үлдсэн нэг гоолыг Артур 77 дахь минутад оруулсан байна. 

Испанийн цомын шөвгийн наймд "Атлетик", "Валенсия", ""Вильярреал", "Реал Мадрид", "Гранада", "Реал Сосьедад", "Мирандес", "Барселона" гэсэн 8 баг үлдээд байна.

Эх сурвалж: Zaluu.mn