Улсын их дэлгүүрт энэ сарын 6-нд гал гарсан. Зургаа болон долоон давхар дээвэр гээд бүхэлдээ шатсан.Галд автсан давхруудад бэлэг дурсгал, сувинерийн тасаг , номын дэлгүүр болон ресторан үйл ажиллагаа явуулж байсан аж. Түүнчлэн нийт хохирлын хэмжээг гаргахаар шинжээчдийн баг ажиллаж байна. Галын дүгнэлт 14 хоногийн дараа гарна гэж албаны эх сурвалж мэдээллээ. Таван давхар болон түүнээс доошхи давхарын түрээслэгчид өчигдөр буюу энэ сарын 8-ны өдөр бараагаа хүлээн авчээ. Таван давхарт ус нэвчсан түүнээс доош давхаруудад утаа нэвчсэнээс өөр хохирол амсаагүй байна. Аврах багийнхны ярьж байгаагаар УИД-ийн тав болон түүнээс доош давхрууд галын дэсвэртэй материалаар хийгдсэн байсан нь галд өртөөгүй байх үндэслэлийг бий болгосон харин дээд давхрууд галд дэгдэмхий, гал дэмжигч материалуудаар хийгдсэн байсан гэнэ.

Г.БИЛИГ