Өмнөд Солонгос улсын нийслэл Сөүл хотноо суугаа АНУ-ын бүрэн эрхт элчин сайд Марк Липпер энэ оны гуравдугаар сарын 7-нд халдлагад өртөж, нүүрэндээ хүнд гэмтэл авсан билээ. Тэрбээр АНУ-Өмнөд Солонгосын хамтарсан цэргийн сургуулилтын талаарх бага хуралд оролцоод гарч явахдаа халдлагад өртжээ.

Өмнөд Солонгосын иргэн 55 настай Ким Ки Ён гэгч элчин рүү халдаж, нүүр болон баруун гарыг нь хүнд гэмтээсэн. Халдлагын дараа элчин сайд 14 хоног эмнэлэгт хэвтэж, нүүрэндээ 80 гаруй оёо тавиулсан байна.

Тэгвэл Сөүлийн шүүх Ким Ки Ёныг 12 жилийн хорих ялаар шийтгэсэн тухай "www.dailymail.co.uk” мэдээллээ.

Ким Ки Ён халдлага үйлдсэн шалтгаанаа "АНУ, хоёр Солонгосыг дайтуулахыг оролдож байна. Тэд Өмнөдийн удирдлагуудыг санаатайгаар турхирч, Хойдод эрхээ тогтоохыг санаархаж байна” гэж тайлбарлажээ.

Элчин сайд халдлагын дараа мэдэгдэл хийх үеэрээ Ким Ки Ёныг уучилсан болохоо мэдэгдсэн билээ.

Б.Дэлгэрцэцэг