"Улаанбаатар төмөр зам” нийгэмлэгийн ажилтан галт тэргэнд дайруулж амиа алдсан хэрэг гарсан. Уг хэргийг УБТЗ-ынхан нуусан бололтой.

Анх олон нийтэд эл хэргийг салбарын сайд нь дэлгэсэн. Тэрбээр "Зөрлөгийн дарга нь ажлынхантайгаа архидаж, галт тэргэнд дайруулж амь насаа алдсан байна. Улмаар хөдөлгөөн 9 цаг саатсан” гэж твиттер хуудсаараа дамжуулан жиргэжээ. Зам тээврийн сайд М.Зоригт дээрх асуудлаар УБТЗ-д шалгалт оруулсан бөгөөд замын дарга Д.Пүрэвбаатар "Тухайн хүн гэр бүлийн таагүй харьцаанаас болсон ч юм уу архи уусан үедээ шөнө дунд галт тэргэнд дайруулж амиа алдсан юм шиг байна” гэсэн тайлбар өгчээ. Ослын шалтгаан тодорхойгүй байгаа бөгөөд цагдаагийн байгууллага шалгаж байгаа ажээ.