2025 он гэхэд сэргээгдэх эрчим хүчний эзлэх хувийг 50 хувьд хүргэнэ
АНУ, Канад болон Мексикийн төрийн тэргүүн нар энэ долоо хоногт Канадын нийслэл Оттава-д болох Хойд Америкийн Дээд хэмжээний уулзалтын үеэр ирэх 10 жилийн дотор сэргээгдэх эрчим хүчний хэрэглээг 50 хувьд хүргэх зорилго бүхий төлөвлөгөөгөө танилцуулна гэж Цагаан ордны ахлах зөвлөх Брайн Дийзи сэтгүүлчдэд мэдэгджээ.
Лхагва гарагт Оттавад болох уг уулзалтад АНУ-ын Ерөнхийлөгч Барак Обама, Канадын Ерөнхий сайд Жастин Трюдо болон Мексикийн Ерөнхийлөгч Энрике Пенья Ньето нар оролцох юм.
Гурван улсын удирдагчид худалдаа-эдийн засаг, уур амьсгал, аюулгүй байдлын асуудлууд болон Хойд Америкийг "Brexit”-ийн үр дагавраас хамгаалахад чиглэсэн хүчин чармайлтыг хэрхэн зохицуулах талаар хэлэлцэнэ.
Сэтгэгдэл байхгүй байна.