"Азийн шороон шуурганы үүсэл, тархац, орчны өөрчлөлт" сэдэвт олон улсын эрдэм шинжилгээний гуравдугаар бага хурал өнөөдөр /2016.08.08/ Пума зочид буудалд болж байна.

1960 оноос хойш монгол орны шороон шуургын давтамж гурав дахин ихэссэн байна. Энэхүү шороон шуургын тархалтыг авч үзвэл монгол орны говийн бүс нутаг, их нууруудын хотгор хамгийн их давтамжтай байдаг аж. Энэ бүс нутгуудад жилдээ 60-аас дээш шороон шуургатай байдаг бол Их нууруудын хотгор болон Алтайн өвөр говиудад жилд дунджаар 100 өдөр шуурдаг болжээ.

Шороон шуургын давтамж нэмэгдэж буй шалтгааныг байгалийн хүчин зүйлээс гадна газар тариалангийн талбай ихсэх, уул уурхай олборлолт явагдах, хотжилттой холбоотойгоор нэмэгдэх болсныг албаныхан дурдаж байв.

Уг гуравдугаар бага хуралд Монгол, Хятад, Япон зэрэг таван орны 50 гаруй эрдэмтэн судлаачид чуулж, уур амьсгалын өөрчлөлт, шороон шуургын тархацын үүсэл, орчны өөрчлөлтийн талаар санал солилцож, илтгэл хэлэлцүүлж байна.

Энэ удаагийн хурлыг Ус цаг уур, орчны судалгааны мэдээллийн хүрээлэн, Япон улсын Нагояагийн их сургуультай хамтран энэ сарын 8-12-ны өдрүүдэд Улаанбаатар хотноо зохион байгуулж байгаа аж. 

А.СҮРЭН