Хохирогч гэх М

Түргэн дуудсан. Түргэний эмч гаднаас орж ирээд "Та тулгаж дуудлаа хэд дэх төрөлт вэ? Орон дээрээ гар гэсэн”. Би гарч чадахгүй газар сөхрөөд суучихсан байсан. Та ийм их төрчөөд мэдэхгүй байхдаа яадаг юм бэ? гээд  зандрангуй хэлсэн. Би орон дээр гарч чадахгүй байна гэхэд үзлэг хийх гэж байна орон дээрээ хурдан гар гэж загнасан. Би ч гүрийж байгаад гарсан. Тэгсэн "Их доошилсон байна” гээд гаднаас насилк авч орж ирээд авч явсан. Тэгээд замдаа машинд төрөхгүй шүү гэсэн. Цаанаасаа өвдөлт өгөөд байхад хоёр гуя руу алгадаад чимхээд байсан. Гарнаас барьж байгаад хөл рүү түлхээд манай охиныг цаад хөлийг нь сайн хавч гээд наад утсаараа ярихаа боль ээжийнхээ хөлийг барь гэсэн. Энд төрөхгүй шүү гээд л загнаад байсан. Нэгдүгээр төрөхийн үүдээр ороод шууд яаралтай хүлээн авах дээр төрсөн. Үүдэнд байсан хүмүүсийг гаргаад, эмч нар ирээд орон дээр өргөж гаргаад, оройн 11:45 цагт төрсөн. Төрөхийн орон дээр очиж амжихгүй юм байна. Үзлэгийн орон дээр гаргаад, өмд тайлахад хүүхдийн толгой аль хэдийнэ гарсан байсан. Тэгээд удалгүй азаар хүү маань эсэн мэнд төрсөн. Гэвч миний биеийн байдал сул хөхөнд сүү ороогүй байна. Тиймээс хүүгээ шөнө буцалсан ус чихэрлээд, халбагдан уулгаж унтуулж байна. Урдаас булчинг чинь суллаж байна гээд чимхээд байсан. Би бүүр гайхсан. Энэ бол миний зургаа дахь удаагийн төрөлт. Зургаан удаа төрөхдөө үзээгүй юм аа л үзлээ. Их аймар юм байна лээ.

 Эмч Г.Алтанчулуун

Тус өдөр би очиж үйлчилсэн. Тухайн дуудлага зургаа дахь төрөлт өвдөлт өгсөн гэх дуудлага ирсэн. Намайг хаягын дагуу очиход үйлчлүүлэгч шалан дээр өвдөглөж суугаад хоёр өвдгөн дээрээ гараа тавьсан өвдөлт өгсөн байдалтай байсан.Би үйлчлүүлэгчээ үзэж өвдөлт базлалтыг хугацааг ажиглаад эмнэлэг хүрч амжих юм байна гэж дүгнээд насилкаар эмнэлэг авч явсан. Замдаа үйлчлүүлэгч машинд сууж явахыг хүссэн, би өөдөөс нь харж суугаад биеийн байдлыг нь үнэлж хянаад, тухайн үйлчлүүлэгчийн зүүн гараас түшиж барьж явсан. Баруун гар талд нь охин нь гарыг нь түшиж явсан. Эмнэлэг явах замд үйлчлүүлэгч 4-5 удаа өвдөлт өгсөн. Энэ үед би гүнзгий амьсгаа аваарай, тайван байгаарай гэж сэтгэл заслын эмчилгээ хийж тайвшруулж явсан. Манайх үйлчлүүлэгчээ өргөө амаржих газар хүргэж өгсөн. Энэ үед хүлээн авах эмчид хүлээлгэн өгөөд тодорхойлох хуудас бичиж үлдээсэн байгаа. Үйлчлүүлэгч босоод насилк дээр суугаад явахаар маш их хөдөлгөөнтэй байдаг учраас би түшиж хөдөлгөөнгүй байлгасан. Машин их хурдтай явж байсан, бусад эрсдэлээс сэргийлэх үүднээс сэргийлж түшсэн юм.Өмдийг нь гүйцэд доош болгож хараагүй болохоор мэдэхгүй байна. Бид түрүүн хэлэхдээ хэний ч бурууг тогтоох боломж байхгүй гэж. Хэдэн минутад очсон гэдгийг баримтаар мэдээллэж байна.Энэ хугацаанд хөхөрдөг гэдгийг нь тогтоогоогүй байна.