АНУ болон БНХАУ худалдааны хэлэлцээгээ баасан гарагт үргэлжлүүлэхээр тохиролцжээ
АНУ болон БНХАУ-ын төлөөлөгчид худалдааны асуудлаар Вашингтон хотод хийж буй хэлэлцээгээ баасан гарагт үргэлжлүүлэхээр тохиролцлоо гэж Цагаан ордон мэдээлжээ.
БНХАУ-ын Төрийн зөвлөлийн шадар сайд Лю Хэ хэлэлцээ хийхээр АНУ-ын нийслэл хотод пүрэв гарагт хүрэлцэн очсон юм. Хэлэлцээ дууссаны дараа худалдааны төлөөлөгч Роберт Лайтхайзер, АНУ-ын Сангийн сайд Стивен Мнучин нар тус улсын Ерөнхийлөгч Дональд Трамптай уулзсан байна.
"Худалдааны элч төлөөлөгч Лайтхайзер, Сангийн сайд Мнучин нар шадар сайд Лю Хэтэй ажлын оройн зоог барилаа. Тэд яриа хэлэлцээгээ маргааш өглөө үргэлжлүүлэхээр тохиролцсон” гэж Цагаан ордны мэдэгдэлд дурджээ.
Сэтгэгдэл байхгүй байна.