Л.Оюун-Эрдэнэ сайд аа, газрын төлөөх шударга ёсоо С.Амарсайханаас эхлүүл!!!

1

Л.Оюун-Эрдэнэ сайд аа, газрын төлөөх шударга ёсоо С.Амарсайханаас эхлүүл!!!

Манай сайт өнгөрсөн оны нэгдүгээр сард "С.Амарсайханд газрын төлөөх шударга ёсыг нэхэх эрх бий юу” гэсэн нийтлэлийг уншигчиддаа хүргэж байсан. Бусдаас шударга ёсыг шаарддаг одоогийн хотын мээр С.Амарсайхан өнгөрсөн он жилүүдэд Нийслэлийн өнгөтэй өөдтэй А зэрэглэлийн газар болгоныг сорчлон авч өдгөө тансаг зэрэглэлийн өндөр өндөр барилгуудыг сүндэрлүүлж Монголын толгой баячуудын эгнээнд зүй ёсоор бичигдэх болсон.

Сүүлийн үед шударга үнэний дүрд тоглох болсон хотын мээрийн хөгтэй үйлдлүүд дахин энэхүү нийтлэоийг бичихэд хүргэсэн юм. Тодруулбал,тэрбээр өнгөрсөн дөрөвдүгээр сарын 23-ны өдөр Сүхбаатарын талбайн 2.5 га талбайг эзэмшиж байсан "UB constraction” компанийн газар эзэмших эрхийг цуцалж төр нь юмаа мэдэж байна хэмээн сүрийг үзүүлж олон ч хүний эгдүүг хүргэв. Яг үнэндээ "UB constraction” компани Сүхийн талбайг гороолсон шиг одоогоос найман жилийн өмнө хоиын мээрийн хамаарал бүхий "Оюун Ундраа” компани нийслэлчүүдэд Зайсан толгойн өвөрт зугаалах зай үлдээгээгүйг бид мэднэ. Тиймээс л хотын мээрийн энэхүү үйлдэл түүнийг хамгийн сайн мэддэг хүмүүсийнх нь эгдүүг хүргэсэн юм. Тэрбээр олонд таалагдах гэж дээрх компанийн газрыг цуцаллаа хэмээн сүрийг үзүүлж байгаа ч эргээд тус компани шүүх дээр ялалт байгуулж газраа буцаан авна гэдгийг хотын мээр С.Амарсайхан хамгийн сайн мэдэх хүнийх нь нэг. Учир нь түүний хамаарал бүхий хэмээн нэрлэгддэг "Оюун Ундраа” компани олон ч удаа газрын асуудлаар шүүхэд дуудагддаг ч тэд заргаа авсаар өнөөдрийг хүрсэн учраас тэрбээр эцэст нь шүүх рүү бурууг чихэх мэргэн санаагаа олчихсон жуумалзанхан суугаа нь лавтай. Өөрөөр хэлбэл хэдхэн сарын дараа "UB constraction” компани газраа эргүүлэн авлаа гэх мэдээлэл гарах учраас ийн хэлсэн хэрэг.

Хэрвээ уншигчид санаж буй бол хотын мээр С.Амарсайханы хамаарал бүхий "Оюуны Ундраа” компанийг Зайсангийн ар өвөр буюу Богдхан ууланд нэг биш нэжгээд газар эзэмшдэг тухайг бид өмнө нь мэдээлж байсан. Тухайлбал, хотын мээрийн хамаарал бүхий компанитай байнга шахуу нэр холбогддог байсан "Собт трейд” компанийг тус компанитай холбоотой нь баттай гэдгийг хэвлэлийнхэн нотолж чаддаггүй байв. Тодруулбал, 2012 оны хоёрдугаар сарын 8-ны өдөр УЛСЫН ТУСГАЙ ХАМГААЛАЛТТАЙ ГАЗРЫН НУТАГ ДЭВСГЭРТ ГАЗАР АШИГЛАХ ТУХАЙ гээчийг нэг талаас Хан-Уулын Засаг дарга асан Ж.Ганхуяг, Богд Хан уулын дархан цаазат газрын хамгаалалтын захиргааны дарга Д.Шинэхүү, нөгөө талаас "Собт Трейд” ХХК-ийн Гүйцэтгэх захирал Д.Намба нар байгуулжээ. Гэрээний дугаар 2005-1/260 бөгөөд Тусгай хамгаалалттай нутгийн удирдлагын газрын даргын албан үүргийг түр орлон гүйцэтгэгч Т.Эрдэнэчимэг баталгаажуулж байжээ.
Энэхүү гэрээг харахад ямар ч өөгүй, цэвэрхэн гэрээ. Гэхдээ "Собт Трейд” ХХК яаж яваад С.Амарсайхантай холбогдчихов гэлгийг бид тухайн үед буюу 2012 онд гэрээ байгуулахад тус компанийн хаягийг "Сүхбаатар дүүрэг, 10 дугаар хороо, Цагдаагийн гудамж, "Оюуны-Ундраа” ХХК-ийн байр” гэж бичсэнийг нотолгоо болгон мэдээлж байсан ч эрхэм хотын мээр олон ч удаа үгүйсгэж байсан удаатай. .
Үүгээр ч зогсохгүй "Собт Трейд” ХХК-ийн 2012 онд гэрээгээр авсан "Аялал жуулчлалын зориулалалт” бүхий 15 мянган га газарт "Зайсан Скүэр”, "Зайсан Хилл” гэгч хоёр барилга сүндэрлэн боссон байхад ч С.Амарсайхан дарга бас л гүрийж байсан удаатай.

Тэгвэл "Собт трейд” компанийг өөрсдөөсөө зайлуулж байсан хотын мээрийн хамаарал бүхий "Оюуны Ундраа” компани 2017 оны 3 дугаар сараас 2017 оны 11 дүгээр сар хүртэл дөрвөн удаагийн давтамжтайгаар "Собт трейд” компанийн газрын төлбөрийг Улаанбаатар хотын банкинд тушааж байсан банкны хуулга бидэнд байна. Энэхүү баримт хэвлэлийнхэний гарт байхад хотын мээр одоо "Собт трейд” бидэнд огт хамаагүй гэж мэлзэхгүй гэж л найдая.

Өнгөрсөн долоо хоногт ЗГХЭГ-ын дарга Л.Оюун-Эрдэнэ "Төрийн хамгаалттай нутагт эзэн суусан. Өнгөрсөн 27 жил төлөвлөлт муутай, замбараагүй явснаа хүлээн зөвшөөрөх хэрэгтэй. Ахиад ийм маягаар явбал ундны уснаас авахуулаад нийслэл хүнд байдалд орно. Тиймээс шат дараалсан арга хэмээнүүдийг Монгол Улсын Засгийн газар авах үүрэгтэй” хэмээж байсан. Тэгвэл Л. Оюун-Эрдэнэ сайд аа, таны яриад байгаа шударга ёс Зайсанг зайдалж, нийслэлийн иргэдийн ундны усанд заналхийлсэн хотын мээрийн хамаарал бүхий "Оюуны Ундраа” компанийн халхавч болсон " Собт трейд” компани мэтийг төрийн тусгай хамгаалалттай газар нутгаас хөөж гаргаж байж шударга ёс чинь тогтох болов уу.

Үүгээр ч зогсохгүй т дурсгалт Зайсангийн амыг дураараа зайдагнаснаа цагаатгахын тулд нарийвчилсан тайлбар гаргаж, нийт олонд танилцуулах ёстой. Мөн тухайн үеийн эрх мэдэлтнүүд ямар шалгуураар энэ газрыг олгосноо ч тайлагнах шаардлагатай. Одоо түүний мэдэлд Зайсангийн хэдэн ам байгааг бид дараагийн дугаартаа баримттайгаар хүргэх болно. Хэдийгээр хууль дүрмийнхээ дагуу энэ газруудыг авч бүтээн байгуулалт хийсэн гэж ярьдаг ч яагаад өнөөдөр Дорж, Дулмаа нар 00.7 га газраа ч авч чадахгүй байна вэ гэдэг нь бодит асуудал. Тиймээс л бид хотын мээрийг бусдаас газрын төлөөх шударга ёсыг нэхэх эрх бий юу хэмээн асуухад хүрсэн юм.

 

Эх сурвалж: Erennews.mn


Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
1 сэтгэгдэл
:

Oyun-Erdene chin shal hudlaa"shudraga es" gej orilj yavdag hulhi gar gej meddeggui yum uu?! Bas ooroo hunii nudruu harj baigaad hud;laa yrina.OyunErdene yum yumni zahtai er shuu.Setguulchiin nudruu harj baigaad "hoolnii hordlogo" hold ochihson geed yarij baih. Hordlogo hold orson tohioldol Oyun-Erdenees oor ene delhiind hench tusaagui baih oo! Mon toriin ordong hezee modgui nurahdaa tulsnii mergejliin baiguullaga ni 17 udaa notolchihson.Hervee nurval tuun dotor suugaa toriin tusheed yaahav ve geed gordog baina shuu. Ene hudlaaldaa toosgon baishin hamgiin baga daa 150 jil zogsdog gedgiig ali deer ued togtoogood notolchisom zuil.Tegeed ch toriin ordnii santehnik,tsahilgaanii shemiig hun bur meddeggui medeh albagui deer suuriin doorhi baiguulamj yu baidag gej bodoj ingej yaridag baina aaOyun-Erdene.Uunees tsaashihiig bichih ni toriin nuutstai holbootoi tul inges geed zogspoe!!! Oyun-Erdeniin shudraga es gegch irgedee alagchilj uilchildeg aranshintai. #0-aad jiliin omno hiisen omch buvichlaliig shalgaj unen moniig togtoon gej baihaar usreed 10-d jil bizdee Tomor zamiin geh 280 say dolloriin zartsuulalt geed baij l baina. 2-3 jiliin omno songuuliudiinueer negnee ays undes garal aar gutaan dormjilj baihaad "undsen huulia" zorchson medeeg tsahiamaar ogloo oroigui tsatsaad baihad yaagaad dugarahgui bulh zalgichiad baina!!! JDU-chid geed u;l mor ni arilaagui huuli bus uildel beleenhen baina. Oyun-Erdene tiim l shudraga yum bol dugaraach dee! uguil baihgui yu?! "Shudraga es"gesen goe ugtei bag omch ed horongo, erh medeld hureh gesen bohir argatai er shuu.!?