Хөдөлгөөний ач холбогдол
Тогтмол хөдөлгөөнтэй байх нь эрүүл мэндийг сайжруулах, өвчлөх, цаг бусаар эндэх эрсдлийг бууруулах ач холбогдолтой. Хөдөлгөөн нь бие физиологийн төдийгүй хувь хүний сэтгэл зүйд эерэг нөлөөг үзүүлдэг.
Хөдөлгөөн хүний сэтгэл зүйд эерэгээр нөлөөлж улмаар зүрхний үйл ажиллагаа, цусны эргэлтийг сайжруулж, зүрхний цусан хангамжийг нэмэгдүүлэн, цусан дахь ИНЛП, эргэлдэх цусны эзэлхүүнийг ихэсгэдэг бол нөгөө талаас триглицерид (ТГ), нийт холестрин (НХ) ба БНЛП-ын хэмжээг бууруулдаг.
Түүнчлэн сэтгэх, анхаарлаа төвлөрүүлэх чадвар, өөрөө өөрийгөө хүндлэх, өөртөө итгэх итгэл нэмэгдэж, сэтгэл гутрал ба хямралд өртөх эрсдэл нь багасдаг байна.
Тогтмол хөдөлгөөний ач холбогдол
Тулгуур хөдөлгөөний эрхтэн тогтолцооны хөгжлийг дэмжих.
Сэтгэл гутрал, бухимдал зэрэг сэтгэцийн хямралд өртөх эрсдэлийг бууруулж, сэтгэл зүйн өөдрөг, цовоо сэргэлэн, идэвхтэй байдлыг бүрдүүлэх.
Биеийн жинг хэвийн байлгах.
Эрч хүчтэй, эрүүл чийрэг болгох, хэт их ядрахаас сэргийлэх.
Цусан дахь нийт холестрин, триглицеридыг бууруулах
Артерийн даралт ихсэх эрсдэлээс сэргийлэх, даралтыг бууруулах.
Чихрийн шижингийн II хэлбэр, зүрхний титэм судасны өвчин, шигдээс, бүдүүн гэдэсний хорт хавдраар өвчлөх, давтан тохиолдол, улмаар нас баралтын эрсдэлийг бууруулна.
Сэтгэгдэл байхгүй байна.