Хятад улс шинэ пуужин туршсанд Вашингтон айсан гэнэ. Орчин үеийн тив хоорондын баллистик пуужин " Дунфэн /DF/-41"-ийг туршсан тухай, Пентагоны эх сурвалжийг иш татан Washington Free Beacon мэдээлэв.

Америк БНХАУ-ын пуужингийн системийн техникийн шинж чанарт нухацтай санаа зовж байсан аж. Энэ нь 10 мянга гаруй км-ийн зайд 6-10 цөмийн цэнэгийг зөөх чадвартай пуужин юм. Эдгээр пуужингууд нь ердөө л хагас цагийн дотор АНУ-ын бүхий л газар нутагт хүрэх боломжтой гэнэ.

Пуужин туршсан нь АНУ-ын сансрын хиймэл дагуулаар хянах системд бүртгэгдсэн байна. Хятадууд 2015 оны арванхоёрдугаар сарын 5-нд төмөр замаар тээвэрлэн хөөргөх тавцанд байрлуулжээ.

Хятад улс "Дэлхийн хамгийн том пуужинт хүрээг" энэ жил байгуулж болох юм гэж Kanwa Asian Defence сэтгүүлд бичжээ.

2014 оны долдугаар сард БНХАУ шинэ баллистик пуужин боловсруулах тухай мэдээлэл нь анх удаа хэвлэлд гарсны дараа АНУ-д "зэвсэгт хүчний, аюулгүй байдлын салбарын хөгжлийн чиг хандлагын талаарх илтгэл" гарч байжээ. Түүн дээр Хятад улс зэвсэглэл, цэргийн сургалтаа эрчимжүүлэх нь Вашингтонд аюул занал авчрах түвшинг нэмэгдүүлдэг гэж тэмдэглэжээ.

М.Баяр