Арсен Венгер: Бидний гол зорилго Аваргуудын лигий хэсгээс нэгээр гарах
Английн "Арсенал” клуб өнөө шөнө Аваргуудын лигийн хүрээнд "Лудогорец” клубын талбайд зочлон тоглох билээ. Ердөө өмнөх тойрогт хоёр баг Лондонд тулахад "Их буучид” өрсөлдөгчөө 6:0-ээр хожсон. Тэгвэл энэ тоглолтын өмнө "Арсенал”-ын дасгалжуулагч Арсен Венгер хэсгээс нэгээр гарах боломж байгаа талаар ярьжээ.
Тэрбээр "Бидний гол зорилго бол Аваргуудын лигийн хэсгээс нэгээр гарах. Бид "ПСЖ”-тэй тулах хоёр дахь тоглолтоо талбайдаа хийнэ, тийм болохоор боломж байгаа. Гэхдээ түүнээс өмнө хийх хэд хэдэн чухал тоглолт байна.
Тэр болгонд л бүхий л боломжоо дайчилж тоглох хэрэгтэй. Эхлээд бид Болгарт хожил авах хэрэгтэй. Түүний дараа "Тоттенхэм”-тэй хийх тоглолт байна. Өмнө нь "Арсенал” арваннэгдүгээр сард тийм сайн замыг туулдаггүй байсан. Харин одоо бол арай өөр байх болно” хэмээн ярьжээ.
Mminfo.mn
Сэтгэгдэл байхгүй байна.