Хойд Солонгос АНУ-д цохилт өгч буй видео зохиомж үзүүлжээ
Хойд Солонгос АНУ-д пуужингаар цохилт өгч буй видео зохиомж үзүүлсэн талаар лхагва гаригт "Yonhap" агентлаг мэдээлснийг РИА Новости уламжлав. Видео бичлэгт тус улсын удирдагчийн өвөө, Ким Ир Сений 105 жилийн ойд зориулсан хүндэтгэлийн баяр дээр шинэ баллистик пуужин туршиж буйг харуулсан байна. Пуужин далай гаталж, АНУ-ын хотод цохилт өгчээ. Дараагийн үзэгдэлд оршуулгын газарт АНУ-ын туг шатаж буйг харуулсан байна.
Жагсаалын үеэр тив хоорондын шинэ баллистик пуужингаа үзүүлжээ. Мөн гала концерт дээр Тэпходон пуужин хөөргөх байгууламжийг хариуцсан БНСУ-ын Ардын армийн стратегийн хүчинд талархал илэрхийлсэн дуу оруулсан байна. Дууны хэсэгт Тэпходон пуужин аянга мэт бөгөөд түрэмгийллийн эсрэг харвахад бэлэн" хэмээн дуулдаг аж. Солонгосын хойгт байдал урьд өмнө байгаагүйгээр хурцдаад буй билээ. Мэргэжилтнүүдийн үзэж буйгаар, энэ сарын 25-нд БНСУ-ын Ардын армийн ойн баярын үеэр Хойд Солонгос зургаа дахь цөмийн туршилт хийж, эсвэл пуужин хөөргөж болзошгүй аж.
Э.ЭНХ-ЭРДЭНЭ
Сэтгэгдэл байхгүй байна.