Өвлийн олимпын наадмын эргэн тойронд коронавирусний халдварын эрсдэл өндөр байна
Ням гарагийн байдлаар Бээжингийн олимпын наадамд хүрэлцэн ирсэн 142 тамирчин болон бусад албан тушаалтнуудын коронавирусний шинжилгээний хариу эерэг гарсан гэж Олимп зохион байгуулах хороо мэдэгдлээ.
Тэдгээрийн ихэнх нь цанын харайлт болон Нордикийн хосолсон төрөлд алтан медаль хүртсэн тамирчид байна. Олон улсын олимпын хорооны наадмыг хариуцсан гүйцэтгэх захирал Кристоф Дуби ням гарагт сэтгүүлчдэд өгсөн ярилцлагадаа, "Коронавируснээс болж тэмцээнд оролцож чадахгүй байгаа тамирчдын хувьд харамсалтай байна, гэхдээ бүх оролцогчдын аюулгүй байдал бол нэн чухал юм” гэжээ. Мөн тэрээр үүсээд байгаа нөхцөл байдлыг шийдвэрлэх нь Олон улсын олимпын хорооны үүрэг" гэж мэдэгдсэн байна.
Тэрбээр, "Тамирчдыг тусгаарлах өрөөний интернет холболт, хоол хүнс, өрөөний хэмжээ, бэлтгэлийн тоног төхөөрөмж зэрэг бүх зүйлийг зохион байгуулагчид төгс хангаж өгөх үүрэгтэй" гэж мэдэгдэлдээ дурджээ.
Харин тусгаарлах байранд хүргэж буй хоол нь Олимпын тосгонд өгдөг хоолтой адилхан гэдгийг зохион байгуулах хорооны ажилтан онцоллоо.
Халдвартай тэмцэх арга хэмжээний тухайд Олон улсын олимпын хорооны наадмыг хариуцсан гүйцэтгэх захирал Кристоф Дуби "Токиогийн олимп дүрэм журмаа чанд сахиж, халдварын эсрэг сайн арга хэмжээ авснаар наадмыг зохион байгуулж чадна гэдгийг харуулж чадсан” гэдгийг онцолсон байна.
Мөн тэрбээр Токиогийн зуны олимпоос олж авсан туршлага дээрээ үндэслэн зохион байгуулагчид Бээжингийн өвлийн наадмын нарийвчилсан дүрмийг гаргаж чадсан хэмээн мэдэгджээ.
Сэтгэгдэл байхгүй байна.